கடலில் மிதந்து வந்த மர்ம கொள்கலனுக்குள் இருந்தது இறப்பர் கட்டிகள்!

ஆழ்கடலில் இருந்து சிலாபம் - கருகுபனே கரைக்கு இழுத்துவரப்பட்ட கொள்கலனில் இந்தோனேசிய நிறுவனத்திற்குச் சொந்தமான இறப்பர் கட்டிகள் காணப்படுவதாக சிலாபம் பொலிஸார் தெரிவித்தனர்.

பொலிஸார், கடற்படையினர் மற்றும் பிரதேச செயலாளர் முன்னிலையில் கருகுபனே கடற்கரையில் வைத்து குறித்த கொள்கலன் இன்று (29) பரிசோதிக்கப்பட்டது.

அதில் இருந்து 1 அடி அகலமும் 2 அடி நீலமும் கொண்ட இறப்பர் கட்டிகள் கண்டுபிடிக்கப்பட்டுள்ளன.

அந்த இறப்பர் கட்டிகளில் இந்தோனேசியா என பெயரிடப்பட்டுள்ளதாக தெரிவிக்கப்படுகிறது.

கொள்கலனில் இருந்த இறப்பர் கட்டிகள் பொலிஸ் பாதுகாப்பில் சிலாபம் பிரதேச செயலாளர் அலுவலகத்தில் ஒப்படைக்கப்பட்டுள்ளதாக தெரிவிக்கப்பட்டுள்ளது.