ஜில்லாவில் விஜய் முஸ்லீம் இளைஞராக: பாலிவுட் நாயகியை கொண்டு வாருங்கள் அடம்பிடிக்கின்றார்!

தனுஷின் ராஞ்சனா வெற்றி பெற்றதை தொடர்ந்து, பலருக்கும் பாலிவுட் நடிகைகளுடன் டூயட் பாட வேண்டும் என்ற ஆசை வந்து விட்டது.

இதனால் பாலிவுட் நடிகைகள் தான் வேண்டும் என்று அடம்பிடிக்கிறார்களாம். அத்துடன் தனுஷ் கே.வி.ஆனந்த் இயக்கத்தில் புதிய படத்தில் நடிக்க ஒப்பந்தமாகி உள்ளார். இப்படத்தில் தனக்கு ஜோடியாக பாலிவுட் நடிகை தான் வேண்டும் என்று அடம்பிடித்தாராம். எனவே தனுஷின் வேண்டுகோளை ஏற்றுக் கொண்ட கே.வி, ஆலியாபட்டை தெரிவு செய்துள்ளார். இதற்கிடையே ஏ.ஆர்.முருகதாஸ் இயக்கத்தில் தான் நடிக்கவிருக்கும் புதிய படத்திற்கு பாலிவுட் நாயகிதான் வேண்டும் என்று கேட்டுள்ளாராம் இளையதளபதி விஜய்.

அதனால் ஏற்கனவே பாலிவுட் நடிகைகளுக்கு பரிட்சயமானவரான முருகதாஸ், விஜய் எதிர்பார்ப்பதை விட ஒரு பிரபல பாலிவுட் நடிகையை அவருடன் டூயட் பாட வைக்கும் வேலைகளில் ஈடுபட்டிருக்கிறாராம்.

ஜில்லா:-

நேசன் இயக்கத்தில் விஜய், காஜல் அகர்வால், மோகன்லால் நடித்து வரும் படம் 'ஜில்லா'.  இந்தப் படத்தில் குல்லா அணிந்து, தாடி வைத்து இஸ்லாமியர் வேடத்தில் நடித்து வருவதாகத் தகவல் வெளியாகி இருக்கிறது.

முழுப்படத்திலும் இஸ்லாமியர் வேடமல்ல, ஒரே ஒரு காட்சியில் மட்டும்தான் அவ்வாறு நடிக்கிறாராம்.

சில மாதங்களுக்கு முன்பு ஏ.ஆர்.முருகதாஸ் இயக்கத்தில் விஜய் நடிப்பில் வெளிவந்த படம் 'துப்பாக்கி'.  இந்தப் படத்தில் இஸ்லாமியர்களை அவமதிக்கும் வகையில் காட்சிகள் இருந்ததாக இஸ்லாமிய அமைப்புகள் குற்றம் சாட்டின. அத்துடன், படத்தை தடைசெய்யக்கோரி தமிழக முதல்வரின் தனிப்பிரிவிலும் புகார் அளித்தனர். அதைத் தொடர்ந்து ஏ.ஆர்.முருகதாஸ், எஸ்.ஏ.சந்திரசேகர், கலைப்புலி எஸ்.தாணு ஆகியோர் இஸ்லாமிய அமைப்புகளிடம் பேச்சுவார்த்தை நடத்தினர். அதையடுத்து சில காட்சிகளை கட் செய்யப்பட்டு படம் ரிலீஸ் ஆனது.

மேலும் என் மகன் ஒரு படத்தில் முஸ்லீம் வேடத்தில் நடிப்பார் "எந்த ஒரு சூழலிலும் விஜய் இஸ்லாமியர்களை தவறாகச் சித்தரிக்க மாட்டார். எல்லோரிடமும் அன்பு செலுத்துபவர் அவர். அடுத்த படத்தில் நிச்சயம் இஸ்லாமியர்களின் நண்பனாக விஜய் நடிப்பார்" என வாக்கு கொடுத்தாராம் விஜய்யின் தந்தை எஸ்.ஏ.சந்திரசேகரன் அப்போது கூறியிருந்தார்.

அதை நிறைவேற்றும் வகையில் இப்போது ஜில்லா படத்தில் முஸ்லீம் இளைஞராக நடிக்கிறாராம் விஜய். அதனால் இப்போது மூன்றாம் கட்ட படப்பிடிப்பு நடைபெற்று வரும் நிலையில், முஸ்லீம்கள் அணிவது போன்ற காஸ்டியூம் மற்றும் தாடி வைத்துக்கொண்டு ஸ்பாட்டில் காட்சி தருகிறாராம் விஜய். ஆனால், படம் முழுக்க இந்த மாதிரி கெட்டப்பில் வருகிறாரா? இல்லையா? என்பது பற்றிய விவரங்கள் தெரியவில்லை.

அதை நிறைவேற்றும் பொருட்டுதான் 'ஜில்லா'வில் இப்படி ஒரு காட்சி வைக்கப்பட்டுள்ளதாம்.