Headlines News :
Home » » ரஜினி, கமலலை விட உச்சத்திலிருக்கும் த்ரிஷா!

ரஜினி, கமலலை விட உச்சத்திலிருக்கும் த்ரிஷா!

Written By TamilDiscovery on Wednesday, September 18, 2013 | 9:26 AM

போலி வெப்சைட்டுகளால் பிரச்சனைக்கு உண்டாகும் நடிகர், நடிகைகள் கமல், ரஜினியை முந்திய ஆர்யா, த்ரிஷா.

பிரபல நடிகர்–நடிகைகள் பெயரில் போலியாக தொடங்கப்பட்டுள்ள வெப்சைட்கள் எத்தனை என்பது தற்போது கண்டுபிடிக்கப்பட்டுள்ளது. இதில் நடிகை திரிஷா பெயரில்தான் அதிக எண்ணிக்கையில் போலி வெப்சைட்கள் இருப்பது தெரிய வந்துள்ளது.

த்ரிஷாவுக்கு அடுத்தபடியாக இந்த லிஸ்ட்டில் இருப்பவர் நடிகர் ஆர்யாதான்.

திரிஷா பெயரில் மட்டும் 80 க்கும் மேற்பட்ட போலி வெப்சைட்கள் இருக்கின்றன. அதில் அவர் தனது வாழ்க்கையை பற்றி சொல்வது போன்ற கருத்துக்களும், படங்களும் வெளியாகின்றன. அவரது தீவிரரசிகர்கள் சிலரே இதை தொடங்கி இருப்பது அவருக்கு பெரும் தலைவலியை ஏற்படுத்தி உள்ளது.

இதுதவிர தமிழ் திரை உலக பிரபல நடிகர்கள்–நடிகைகள் பலருடைய பெயரில் எத்தனை போலி வெப்சைட்கள் உள்ளன என்பதும் கண்டு பிடிக்கப்பட்டுள்ளது.

ஆர்யா         - 63

சூர்யா          - 62

சமந்தா         - 55

விஜய்          - 55

கமல்ஹாசன்   - 45

ஸ்ருதிஹாசன் - 42

ஸ்ரேயா       - 40

ரஜினிகாந்த்    - 31

தனுஷ்        - 23

தேவை இல்லாத கருத்துக்களால் நடிகர்–நடிகைகள் மறுப்பு தெரிவிக்கவும் திரை உலகினர் சைபர்கிரைம் போலீசாரை நாட வேண்டிய நிலையும் ஏற்படுகிறது.

போலி வெப்சைட்கள் குறித்து நடிகை திரிஷா கூறியதாவது:–

இதுபோன்ற போலி வெப்சைட்கள் மூலம் தவறான தகவல்களால் பிரச்சினைகள் ஏற்படுகின்றன. எனது ரசிகர்கள் என்னைப் பற்றி நன்றாக அறிவார்கள். அவர்கள் என்மீது நம்பிக்கை வைத்திருக்கிறார்கள். நான் அளிக்கும் பேட்டிகளில் சரியான கருத்துக்களை மட்டுமே தெரிவிக்கிறேன். வேலையற்ற சிலர் போலி வெப்சைட்டுகளை வைத்திருக்கிறார்கள். இதில் வெளியாகும் கருத்துக்கள், படங்களால் தேவை இல்லாத பிரச்சினைகள் உருவாகலாம்.

எனவே இதுபோன்ற வெப் சைட்களை உடனே நிறுத்த வேண்டும்.

இவ்வாறு அவர் கூறினார்.

நடிகர் ஆர்யா இதுகுறித்து கூறியதாவது:–

இதுபோன்ற மோசடி வெப்சைட்களால் வெளியாகும் செய்திகளை கேட்கும்போது சிரிப்புதான் வருகிறது. பலர் இதுபோன்ற போலி வெப்சைட்கள் பற்றி என்னிடம் சொல்லி இருக்கிறார்கள்.

நான் இதுவரை பேஸ்புக், டுவிட்டர் எதிலும் இல்லை. ஆனால் பல வெப்சைட்களில் என் பெயரில் கருத்துக்களை, படங்கள் வெளியாகின்றன. அவர்கள் இதுபோன்ற செயல்களை நிறுத்த வேண்டும் என விரும்புகிறேன்.

இவ்வாறு ஆர்யா கூறினார்.
Share this article :

0 comments:

Speak up your mind

Tell us what you're thinking... !

 
Support : Creating Website | Johny Template | Mas Template
Proudly powered by Blogger
Copyright © 2011. TamilDiscovery - All Rights Reserved
Template Design by Creating Website Published by Mas Template