ஆசிரியை மீது மாணவர்கள் அதிரடி முட்டைத் தாக்குதல்!

மொரட்டுவ பிரதேசத்திலுள்ள பாடசாலையொன்றின் ஆசிரியை ஒருவர் மீது மாணவர்கள் சிலர் முட்டைகளை வீசித் தாக்குதல் நடத்தியுள்ளனர்.

நேற்று நண்பகல் பாடசாலை முடிவடைந்து குறித்த ஆசிரியை முச்சக்கர வண்டியொன்றில் வீட்டுக்குச் செல்லும் போதே இச்சம்பவம் இடம்பெற்றுள்ளது.

தாக்குதல் நடத்தியோரில் பாடசாலை மாணவத்தலைவர்களும் அடங்குவதாக தெரிவிக்கப்படுகின்றது. குறித்த ஆசிரியை இது தொடர்பில் பொலிஸில் முறைப்பாடு செய்ய செல்லும் வேளை, பாடசாலை பழைய மாணவர்கள் சிலர் அவரை சமாதானப்படுத்தியதாகவும், திங்கட்கிழமை தாக்குதல் நடத்திய மாணவர்களை மன்னிப்புக்கோரச் செய்வதாகவும் உறுதியளித்துள்ளனர்.

ஆசிரியை பயணித்த முச்சக்கர வண்டியின் சாரதியும் முட்டைத் தாக்குதலுக்கு இலக்காகியுள்ளார்.