பஸ்ஸில் ஏற முற்பட்டவர் சக்கரத்தில் சிக்கி பரிதாப மரணம்!

மஹியங்கனை தனியார் பஸ் தரிப்பிடத்திற்கு அருகில் அம்பாறையில் இருந்து கொழும்பு நோக்கி பயணித்த பஸ் ஒன்றில் ஏற முற்பட்ட ஒருவர் கீழே விழுந்ததில் பலியாகியுள்ளார்.

குறித்த நபர் முன் வாசலால் பஸ்சின் உட்செல்ல முற்பட்ட வேளை, கீழே விழுந்து, பஸ்சின் பின் சக்கரத்தில் சிக்குண்டு படுகாயமடைந்த நிலையில் மஹியங்கனை வைத்தியசாலையில் அனுமதிக்கப்பட்டு பின் உயிரிழந்துள்ளார். நேற்றைய தினம் (29) இடம்பெற்ற இந்த சம்பவத்தில், பலியானவர் மினுவான்கொட பகுதியைச் சேர்ந்த 42 வயதான நபரொருவர் எனத் தெரியவந்துள்ளது.

இது தொடர்பில் பஸ் சாரதி கைதுசெய்யப்பட்டுள்ளதோடு, சம்பவம் குறித்த மேலதிக விசாரணைகளை மஹியங்கனை பொலிஸார் மேற்கொண்டு வருகின்றனர்.