சிங்கம் 2 படவிழாவில் இரண்டு சிங்கங்களுடன் இணைந்து அனுஷ்க நடனம். (video)

'சிங்கம்' படத்தின் 2ம் பாகமான ‘சிங்கம் 2’ திரைப்படம் ஹரி இயக்கத்தில் சூர்யா, அனுஷ்கா, ஹன்சிகா நடித்துள்ளனர்.

இப்படம் தெலுங்கில் ‘யமுடு 2’ என்ற பெயரில் டப்பிங் செய்து வெளியிடப்படுகிறது.

தெலுங்கு ‘யமுடு 2’ படத்திற்கான பாடல் மற்றும் டிரெய்லர் வெளியீட்டு விழா ஐதராபாத்தில் நடந்துள்ளது. இவ்விழாவில் சூர்யா, கார்த்தி, அனுஷ்கா கலந்து கொண்டுள்ளனர். விழாவில் சூர்யா பேசுகையில், என் படங் கள் தெலுங்கில் வெற்றிபெறுவது மகிழ்ச்சியளிக்கிறது.

சிங்கம் 2 படம் தற்போது யமுடு 2 என்ற பெயரில் வருகிறது. இப்படம் குடும்ப உறவுகளின் மதிப்பையும், பொலிஸ் அதிகாரிகளின் பொறுப்பையும் உணர்த்தும் படமாக இருக்கும். பொலிசாரின் கடமைகள், மனோபவங்கள் அழுத்தமாக பதிவு செய்யப்பட்டு உள்ளது. சிங்கம் படத்தில் முதல் பகுதியை விட இப்படம் இரு மடங்கு விறுவிறுப்பாக இருக்கும். ஹரி இயக்கத்தில் நான் நடிக்கும் 4 வது இடம் இது. பெரிய பட்ஜெட்டில் படமாக்கப்பட்டு உள்ளது. நிச்சயம் வெற்றி பெறும் என்று கூறியுள்ளார்.

இவ்விழாவில் கார்த்தி பேசுகையில், சூர்யாவின் பொலிஸ் கெட்டப்பை பார்க்கும் போது எனக்கும் பொலிஸ் வேடங்களில் நடிக்க ஆசை வருகிறது என்று தெரிவித்துள்ளார். இதையடுத்து இருவரும் மேடையேறி சிங்கம் 2 பட பாடலுக்கு நடனம் ஆடியுள்ளனர். இவர்களுடன் அனுஷ்காவும் ஆடியுள்ளார்.

இவர்களின் நடனத்தை பார்த்து கூட்டத்தினர் கைதட்டி ஆரவாரம் செய்தனர். எதிர்வரும் யூலை 5ம் திகதி சிங்கம் 2 கூண்டை விட்டு வெளியாவது குறிப்பிடத்தக்கது.