2.800 மில்லிகிராம் ஹெரோயினுடன் 47 வயது பெண் கைது!

வெலிகடை பொலிஸ் பிரிவுக்குட்பட்ட அருனோதய மாவத்தையில் ஹெரோயின் போதைப் பொருள் வைத்திருந்த குற்றச்சாட்டில் பெண்ணொருவர் கைதுசெய்யப்பட்டுள்ளார்.

ஒபேசேகரபுரவில் வசிக்கும் 47 வயதான பெண்ணொருவரே இவ்வாறு கைதுசெய்யப்பட்டுள்ளார்.

இவரிடம் இருந்து 2 கிராம் 800 மில்லிகிராம் ஹெரோயின் கைப்பற்றப்பட்டுள்ளது.

சந்தேகநபர் இன்று புதுக்கடை நீதவான் நீதிமன்றத்தில் ஆஜர்படுத்தப்படவுள்ளதோடு, வெலிகடை பொலிஸார் மேலதிக விசாரணைகளை மேற்கொண்டுள்ளனர்.