மது போதையில் எற்பட்ட மோதலில் கத்திக்குத்தில் ஒருவர் பலி!

சீதுவ பொலிஸ் பிரிவுக்குட்பட்ட ஜயவர்தனபுர பிரதேசத்தில் இன்று (06) மது போதையில் இருவருக்கிடையில் எற்பட்ட மோதலில் ஒருவர் குத்திக் கொலை செய்யப்பட்டுள்ளார்.

இம்மோதலில் 32 வயதான ஒருவரை 24 வயதுடைய இளைஞன் ஒருவர் குத்திக் கொலை செய்ததாக குற்றஞ்சாட்டப்பட்டுள்ளது. மதுபோதையில் இருவருக்குமிடையில் ஏற்பட்ட மோதலில் ஒருவரை ஒருவர் தாக்கியுள்ளதுடன் சந்தேகநபர் கத்தியால் குத்தியுள்ளார். இந்நிலையில் நீர்கொழும்பு வைத்தியசாலையில் அனுமதிக்கப்பட்டதன் பின்னர் அந்நபர் உயிரிழந்துள்ளார்.

இச்சம்பவத்தில் காயமடைந்த சந்தேகநபர் நீர்கொழும்பு வைத்தியசாலையில் பொலிஸ் பாதுகாப்பில் சிகிச்சை பெறுகிறார்.

இச்சம்பவம் தொடர்பான மேலதிக விசாரணைகளை சீதுவ பொலிஸார் மேற்கொண்டுள்ளனர்.