இதனால் ஏகத்துக்கும் செலவாகும் மின்சாரத்தால் மாசக்கடைசியில் நமது கழுத்தை நெறிக்கிறது மின்சார பில். எனவே மின் சாதனங்களை முறையாக பயன்படுத்துவதன் மூலம் மின்சார பயன்பாட்டை குறைத்து செலவை கட்டுப்படுத்தலாம்.
• மோட்டாரிலிருந்து தண்ணீர் தொட்டிக்கு செல்லும் குழாய்களை அதிக வளைவில்லாமல் பொருத்தினால் தண்ணீர் விரைவாக மேலேறும்; மின்சாரமும் மிச்சமாகும்.
• காய்ந்த துணியில் தண்ணீர் தெளித்து அதன்மீது இஸ்திரி போட்டால் மின்சாரம் அதிகமாக செலவாகும்.
• தானாக “டீஃப்ராஸ்ட்” ஆகாத ஃபிரிட்ஜாக இருந்தால் ஐஸ்கட்டி அதிகமாக பிடித்துப் போகாமல் அடிக்கடி “டீஃப்ராஸ்ட்” செய்யுங்கள். இல்லாவிட்டால் அதிக மின்சாரம் செலவாகும்.
• கோடை காலங்களில் வாஷிங் மெஷினில் துவைக்கும் பகுதியை மட்டும் பயன்படுத்தவும்.டிரையரை குளிர், மழை காலங்களில் மட்டும் பயன்படுத்தினால் மின்சாரம் மிச்சமாகும்.
• கணனியை ஸ்டார்ட் செய்ய, Shut down செய்ய சோம்பற்பட்டு ஸ்க்ரீன் சேவரில் போட்டு வைப்பதால் மின்சாரம் பெரிய அளவில் விரயமாகும்.
• ஏசி-யை வருடத்திற்கு இருமுறை சுத்தம் செய்யுங்கள். ஏசி ஃபில்டரை மாதாமாதம் சுத்தம் செய்யுங்கள். இதனால் மின்சாரம் விரயமாவதைத் தவிர்க்கலாம்.
• ஃப்ரிட்ஜின் கதவு சரியாக மூடாமலிருந்தாலும், அடிக்கடி ஃப்ரிட்ஜின் கதவைத் திறந்து மூடினாலும் மின்சாரம் பாழாகும்.
• நீண்ட நாட்களுக்கு வெளியூருக்குச் சென்றால் ஃபிரிட்ஜை அணைத்துவிடுவதன்மூலம் மின்சாரத்தை சேமிக்கலாம்.
• பல்புகளின் மீதுள்ள தூசியை துடைத்து வைத்தால் அதிக வெளிச்சம் கிடைப்பதோடு, மின்சாரமும் மிச்சமாகும். ஏனென்றால் வெளிச்சம் போதவில்லை என்று அதிக பல்புகள் மாட்ட வேண்டியிருக்காது.
• பயன்படுத்திய விளக்குகள், மின்விசிறி, தொலைக்காட்சி, கணனி என்று அனைத்தையும் அணைத்தபின்பே அறையைவிட்டு வெளியேறுங்கள்.
• கூடியவரை வீட்டில் பலர் ஒரே அறையில் இருந்து படிப்பது, தொலைக்காட்சி பார்ப்பது என்று திட்டமிட்டால் மின்சார செலவு குறையும்
0 comments:
Speak up your mind
Tell us what you're thinking... !