சுவரில் மோதி தனியார் சொகுசு பஸ் விபத்து 11 பேர் காயம்: ஐவரின் நிலை கவலைக்கிடம்!

கொழும்பில் இருந்து மாத்தறை நோக்கி பயணித்த தனியார் சொகுசு பஸ் பலபிட்டிய ரந்தோம்ப பகுதியில் சுவரில் மோதி விபத்துக்குள்ளானதில் 11 பயணிகள் காயமடைந்துள்ளனர்.

அவர்களில் ஐவரின் நிலை கவலைக்கிடம் என்பதால் அவர்கள் கராபிட்டி வைத்தியசாலையில் அனுமதிக்கப்பட்டுள்ளனர்.

இன்று அதிகாலை 5 மணியளவில் இவ்விபத்து ஏற்பட்டதாகவும் விபத்தை அடுத்து சாரதி தப்பிச் சென்றதாகவும் எமது செய்தியாளர் தெரிவித்தார்.

சாரதி சுமார் நான்கு தடவைகள் நித்திரையில் இருந்ததை கண்ட பயணிகள் சத்தமிட்டுள்ளதாக ஆரம்பக்கட்ட பொலிஸ் விசாரணையில் தெரியவந்துள்ளது.