இரவு நேர மது விருந்தில் 100 பாடசாலை மாணவர்கள்: Sex and Smoke!

இந்திய பப் ஒன்றில் ஏற்பாடு செய்யபட்டிருந்த இரவு நேர மது விருந்தில், சுமார் 100 பாடசாலை மாணவ, மாணவியர் கலந்துக்கொண்டதால் பரபரப்பு ஏற்பட்டுள்ளது.

டெல்லியை அடுத்த குர்கானில் உள்ள பப் ஒன்றில் தினமும் இரவுநேர மது விருந்து போன்றவை ஏற்பாடு செய்யப்படும். அதேபோல், ஒரு நாள் 11 ஆம் வகுப்பு படிக்கும் மாணவன் ஒருவன் ஏற்பாடு செய்த ´Sex and Smoke.´ என்னும் விருந்திற்கு இந்த விடுதி அனுமதித்துள்ளது.

மேலும், இந்த இரவு நேர விருந்தில் சுமார் 100 பாடசாலை மாணவ மாணவியர் கலந்து கொண்டுள்ளனர். பெரும்பாலும் பிரபலமான பாடசாலைகளை சேர்ந்த இந்த மாணவர்களில் சிலர் பாருக்கு சென்று மதுவும் அருந்தினர். தகவலிறிந்து பொலிஸார் மேற்கொண்ட சோதனையில், ஒரு மாணவர் தனது பிறந்த நாளையொட்டி நண்பர்களை விருந்துக்கு அழைத்து இருந்ததாக தெரியவந்துள்ளது.

மேலும் அவர்களில் சிலர் மது அருந்தியும், சிகரெட் பிடித்தபடியும் காணப்பட்டுள்ளனர். பின்னர் அங்கு வந்திருந்த 100 சிறுவர் சிறுமியர்களை மீட்ட பொலிசார், அவர்களின் பெற்றோரிடம் விவரத்தை கூறி, பிள்ளைகளை கவனமாக பார்த்துக் கொள்ளும்படி தெரிவித்தனர்.

பப் மேலாளரை கைது செய்த பொலிசார், சிறுவர் சிறுமியர்களை மது விருந்தில் அனுமதித்ததற்காக அவரை நீதிமன்றத்தில் ஆஜர்படுத்தினர்.