கொலைக் குற்றம் நிரூபிக்கப்பட்ட இருவருக்கு மரண தண்டனை விதித்து தீர்ப்பு!

ரத்மலானை - பொரபன பிரதேசத்தில் வசித்த மீனவர் ஒருவரை வெட்டிக் கொலை செய்த சம்பவத்தில் குற்றவாளியாக இனங்காணப்பட்ட இருவருக்கு கொழும்பு மேல் நீதிமன்ற நீதிபதி குமுதுனி விக்ரமசிங்க மரண தண்டனை விதித்து தீர்ப்பளித்துள்ளார்.

குறித்த வழக்கு இன்று (28) விசாரணைக்கு வந்த போது மரண தண்டனை விதிக்கப்பட்டுள்ளது.

மீனவர் கொலை வழக்கில் மூவர் மீது குற்றம் சுமத்தப்பட்டது.

ஒரு சந்தேகநபர் கொலையுடன் நேரடி தொடர்பு கொண்டிருக்கவில்லை என்பதால் அவருக்கு மூன்று மாத கடூழிய சிறையும் 5000 அபராதமும் விதிக்கப்பட்டதோடு உயிரிழந்த மீனவரின் குடும்பத்திற்கு ஒரு லட்சம் ரூபா நட்டஈடு வழங்குமாறும் உத்தரவிடப்பட்டது.