பாகிஸ்தானில் இடம்பெற்ற சக்திவாய்ந்த குண்டு வெடிப்புக்கு 14 பேர் பலி! 25 பேர் காயம்!

பாகிஸ்தானில் இன்று ஞாயிற்றுக்கிழமை இடம்பெற்றுள்ள சக்திவாய்ந்த குண்டு வெடிப்பில் குறைந்தபட்சம் 14 பேர் கொல்லப்பட்டுள்ளதுடன், 25 பேர் காயமடைந்துள்ளனர்.

பாகிஸ்தானின்  வட – மேற்கு நகரமான பெஷாவாரிலேயே  இந்தக் குண்டு வெடிப்பு இடம்பெற்றுள்ளது.

துணை இராணுவத்தினரின் தொடரணியை இலக்கு வைத்து இந்தக் குண்டுத் தாக்குதல் மேற்கொள்ளப்பட்டுள்ளதாக அந்த நாட்டு படையினர் தெரிவித்துள்ளனர்.

இந்தக் குண்டு வெடிப்பின்போது வாகனங்களும் கடைகளும் சேதமடைந்துள்ளதாக அந்த நாட்டு செய்திகள் தெரிவிக்கின்றன.