இரயில்வே தொழிற்சங்க போராட்டம் இன்றும் தொடர்கின்றது!

வேலைநிறுத்த போராட்டம் இன்று இரண்டாவது நாளாகவும் தொடரும் என ரயில்வே தொழிற்சங்க ஒன்றியம் அறிவித்துள்ளது.

எனினும் ஐந்து விஷேட ரயில்கள் மாத்திரம் கோட்டை ரயில் நிலையம் வரை, பயணத்தை மேற்கொள்ளும் என கோட்டை ரயில்வே கட்டுப்பாட்டு அறை அறிவித்துள்ளது. இதன்படி ரம்புக்கன, அலுத்கம, காலி, சிலாபம் மற்றும் பொல்காவலயில் இருந்து கொழும்பு கோட்டை வரை ரயில்கள் சேவையில் இருக்கும் என தெரிவிக்கப்படுகின்றது.

ரயில்வே தொழிற்சங்கங்களின் வேலைநிறுத்தம் காரணமாக நேற்றைய தினம் போலவே இன்றும் ஆயிரக்கணக்கான பயணிகள் அசௌகரியங்களுக்கு முகம் கொடுத்துள்ளதாக தெரிவிக்கப்டுகின்றது.